Fotograf / fotoarkivar

SØKNADSFRIST: 28.02.2019

Fylkesarkivet i Sogn og Fjordane har frå 1. april 2019 ledig ei 10 månaders prosjektstilling som:

Fotograf / fotoarkivar

Hovudformålet med fylkesarkivet sitt fotovernarbeid er innsamling, sikring og formidling av kulturhistoriske fotografi frå Sogn og Fjordane. I bevaringsarbeidet samarbeider vi tett med kommunar, museum, bibliotek og frivillig sektor. Fylkesarkivet forvaltar store fotosamlingar frå fylket og har også omfattande publikumstenester for foto på Internett.

Prosjektstillinga er knytt til prosjektet «Fotoarkivet etter fotograf Elen Loftesnes». Arbeidsoppgåvene vil i hovudsak vere digitalisering og registrering av historisk fotomateriale frå Elen Loftesnes sitt arkiv. Det kan bli høve til forlenging av stillinga i samband med moglege digitaliseringsprosjekt på audiovisuelt arkivmateriale. Den som vert tilsett må ha førarkort. 

Du må ha:

• Fotografutdanning på vidaregåande- eller høgskulenivå
• God norsk skriftleg og munnleg framstillingsevne
• Datakunnskap innan bildehandsamingsverktøy 

Vi vektlegg:

• Kunnskap og interesse for kulturhistorie og -vern
• Erfaring frå fotobevaring i arkiv eller museum
• Stor arbeidskapasitet, resultatorientering og systematikk
• Evne til å arbeide sjølvstendig og saman med andre
• Evne og ynskje om å tileigne seg kunnskap innanfor eit omfattande fagfelt
• Erfaring med bevaring og/eller produksjon av levande film 

Vi kan tilby

• Løn etter avtale
• Gode forsikrings- og pensjonsvilkår
• Fleksibel arbeidstid
• Arbeidsstad: Leikanger 

På heimesida vår: www.fylkesarkivet.no finn du meir informasjon om fylkesarkivet. 

Søknad sender du ved å bruke elektronisk søknadsskjema du finn under ledige stillingar på www.sfj.no.

Opplysningar om søkarane kan bli offentleggjort sjølv om søkaren har bedt om å vere unnateke søkarlista. Søkar vil bli orientert om dette på førehand. Kopi av vitnemål og attestar tek du med deg til eit ev. intervju.

Spørsmål om stillingen 

Kontaktperson: Arnt Ola Fidjestøl
Stillingstittel: fylkesarkivar
Telefon: 57 63 80 00  / 971 88 903 Kontaktperson: Elin Storøstevik
Stillingstittel: fotoarkivar og fagleiar
Telefon: 57 63 80 53